Coca Cola brendi dunyodagi eng taniqli gazlangan ichimliklar brendidan biridir. Biz ushbu ishlab chiqaruvchi bilan bir necha bor hamkorlik qilish sharafiga muyassar bo‘lganmiz: Gruziyada boshlaganimizdan so‘ng, hamkorlikni O’zbekistonning Samarqand viloyatida davom ettirdik.
Loyiha haqida:
Ushbu loyihaning tarixi olti oylik muzokaralar bilan boshlandi va tenderda g'alaba qozonishimiz bilan yakunlandi. Asosiy omil Coca Cola Bottlers Georgia zavodida ilgari sanoat pollarini o'rnatish bo'yicha ishlarni muvaffaqiyatli yakunlaganligimiz haqidagi minnatdorchilik maktublari bo'ldi. Bizning standartlar haqidagi bilimimiz, talablarnining tushunchasi va shunga o'xshash obyektlarda ishlash tajribamiz mijozni yana bir marotaba bizni tanlashga ishontirdi.
Ushbu loyiha doirasida Ollpi kompaniyasi umumiy maydoni 20 000 m² bo'lgan ichki maydonda (xom ashyo ombori, suv tozalash zonasi, asosiy ishlab chiqarish birligi va tayyor mahsulot omborini o'z ichiga olgan) topping va kyuringdan foydalangan holda sanoat beton pollarini o'rnatdi. Shuningdek, biz beton yo'laklarni o'rnatish va 25 000 m² tashqi maydonni obodonlashtirishni amalga oshirdik.
Armolashtirish ishlari
Ko’pincha, armokarkas va armoto'rlar pollarni mustahkamlash uchun ishlatiladi, ammo ularning tikilishi uchun uzoq vaqt va katta xarajatlar talab qilinadi. All-P Group mutaxassislari mijozga muqobil yechim sifatida polipropilen tolasidan (makro va mikro) foydalanishni taklif qilishdi. Polipropilen tolasi butun qoplama hajmi bo'ylab beton va beton eritmalarni bir xil mikro mustahkamlash uchun ishlatiladi.
Ushbu mustahkamlovchi material bilan bog'liq tajribamiz shuni ko'rsatdiki, polipropilen mikrotolalari mikroyoriqlarning va ularning katta yoriqlarga paydo bo'lishining xavfini kamaytirishadi, shuningdek, mikrostruktura darajasida mustahkamlanishga yordam beradi. Bularning barchasi tayyor beton konstruktsiyalarning estetikasiga va ularning chidamliligiga ta'sir qiladi. Shunday qilib, ushbu yechim mijoz bilan kelishilgan va obyektda ishlatilgan edi, hamda ish bajarish vaqtini qisqartirish va xarajatlarni pasaytirish uchun zarur bo'lgan imkonini berdi.
Ish jarayoni:
Ishlarni amalga oshirishda tolali temir-beton, ushbu loyiha uchun maxsus ishlab chiqilgan beton aralashmasi retsepti, Yevropa materiallari, shuningdek, xorijiy dizayn tashkilotining dizayn yechimlari yordamida zamonaviy texnologiyalar qo'llanilgan.
Obyektdagi ishlarimiz ro'yxati:
1.Tayyorlangan poydevorga polietilen plyonka yotqizildi va loyihadagi kunlik quyish kartalariga muvofiq olinadigan qoliplar o'rnatildi. 2.Yo'naltiruvchi mayoqlar o'rnatildi. 3. Tolali temir-beton obyektda qabul qilinib, yotqizildi. 4. Betonni “zichlash” uchun chuqur vibrator va vibroreykadan foydalandik. 5. Betin yuzasiga toppingni qo’llash va disklar yordamida quruq mustahkamlovchini beton ichiga zatirka yordamida kirg’izish. 6. Beton pollarning yuqori mustahkamligiga erishish uchun kyuringdan foydalanish. 7. Deformatsion va termoqisqaruvchi tikuvlarni kesish, shuningdek, tikuvlarni germetik bilan to'ldirish. 8. Maxsus metall cho'tka yordamida tashqi makonlarda "taroqli" effektiga erishish.
Qish mavsumiga qaramay, obyektdagi ichki isitish tufayli ishlar to'xtatilmadi, bu +5 daraja haroratni saqlab qolish imkonini berdi. Belgilangan muddatlar muvaffaqiyatli bajarildi va Coca Cola International zavodi 2024-yilning 15-mayida ochildi. Loyiha tugallangach, mijozimizdan ijobiy taqrizlarni oldik va kelajakda ham hamkorlikni davom ettirishni rejalashtirmoqdamiz.